/p. 360/ poteras; nam Antichristus apud Hebraeos in
maximo erit honore et aestimatione et sanctitatis
et potentiae et divinae quodammodo
cognationis. Alex. – Imo et obijci et ille miratus
est cur adeo stolidi sint Hebraei omnes,
ut nullus ex eis audeat se Messiam fingere,
quod factu perfacile est, nam eruditus Philosophus
adimplebit quae Daniel alijque Hebraeorum
Prophetae de Antichristo vaticinati
sunt. I. C. – Venetijs cum essem, novi impurissimum
impostorem Hebraeum, qui suis persuadebat
Messiam primo vere nova pluvia
sese demissurum. Cum ranunculis, addebam ego.
Alex. – Subiunxit ille ebrius: «Unum duntaxat
verisimile de Antichristo scriptum adinveniri:
mortem eius turpissimam. Haec enim ex nova
lege tropaea et spolia auctores reportant.
Esaias sub Manasse Rege serra dissecuit. Ieremiam
populus lapidibus obruit. Amos vecte
transfossus. Ioannes Baptista capite
multatus, Christus in cruce suspensus est».
I. C. – Oblatus est Christus, quia ipse voluit.
Sed quid dicet ad hoc? Moises fuit legislator,
non tamen publicae morti damnatus.
Alex. – Sic obieci. At ille respondit: «Discriminis
ratio ea est: quia Christus semper inermis
erat. Omnes autem – inquit Machiavellus –
qui veritatem tueri sine armis voluerunt, misere
periere. At Moises semper armatus incedebat;
24. mille idololatras tanquam suae legi adversarios,
unico congressu interfecit, ut omittam
illud: cum ab Aegypto Hebraei exulare